{"id":149060,"created_at":"2020-06-25 12:36:22","updated_at":"2021-04-16 23:48:11","deleted_at":null,"published_at":"2020-06-25 12:36:22","original_id":null,"artist_id":76795,"title":"Ubomi ngumzamo","slug":"ubomi-ngumzamo-2","status":"published","description":null,"album_id":null,"streets":1,"source_type":"s3","source":"file","lyrics":"Ndiphakathi emeveni ubukhali bameva andihlabayo ungafunga uti ngumqaqoba. Ngapha nangapha inzingo zindombethe. Ndimelwe yimatha ubomi ngati bume ngxi abunyakazi. \r\n\r\nKodwa nam ndingomnye wabo bathe bamfimfitha imfundo uthotho lweminyaka ngethemba loba ngusomaqhuzu othile ngexesha lokuvuna. Kunamhlanje nje leyo kum yintlungu engaphakathi ezibilinini. Ethi yakuphathwa indivusele ngezibilini kuphakam'amaphaphu ndiphamban'aphentloko ndifune imbo yam asuswe lo phoyiyane ndimbonayo phambi kwam. Nangona kunjalo andiyityesheli intetho yabadala ethi umzingisi akanashwa umasind'ezama akanatyala.\r\n\r\nLe ndlela iyenyukela mna mhambi wayo ndiyakuva ukuxhwaleka kwencindi yamadolo. Kakade imbiza iviwa ngumkhwezeli noko kele mbiza mayivuthwe singakabuyi nam isikhuni.\r\n\r\nNdithi ndakuyinabisa intlungu yam bajonge ecaleni. Isijwili sam akukho bani osivayo oku kosana olungena mpelesi. Ndilila kube buhlungu inkophe, intliziyo ilihlwili, umphefumlo uliswili into engento umoya uyinyama ukudandatheka. Ndifun'isitya ebumnyameni ndide ndivuzwe nini na mna ngezi dingo zam.\r\n\r\nBathi ithemba alibulali zibambe ziqine mntasekhaya awungadinwa sewukufutshane entanjeni. Le ntlungu seyizoba lizolo kuwe ube udad'ebhotolweni uthe gcobho zivalekile iziginqi zeminyaka.\r\nNdifunga amawethu ubomi ngumzamo othiwe wambu ngamajingi qhiwu... Inene impumelelo yenene ayizi ngabumnyama.\r\nBy N Mziba","download_count":41,"play_count":2,"restrict_download":0,"generated_thumbnail":null,"flag_count":0,"download_count_24":1,"download_count_24_at":"2021-04-16","reupload_sent":0,"thumb_path":"https:\/\/s3.eu-central-1.amazonaws.com\/sol-assets\/uploads\/public\/5ef\/47e\/1ca\/thumb_448498_300_300_0_0_crop.jpg","status_reason":"published","status_reason_alt":null,"tags":[]}